Pagtatagumpay na nakuha ng mga manlalarong sumabak sa 29th SEA Games, labis na ikinatutuwa ng Palasyo

Pagtatagumpay na nakuha ng mga manlalarong sumabak sa 29th SEA Games, labis na ikinatutuwa ng Palasyo

MANILA (Radyo Pilipinas) — Muling nagpaabot ng pagbati ang Palasyo sa tagumpay ng mga Filipino athlete sa SouthEast Asian Games na magtatapos ngayong araw na ito.
Ayon kay Presidential Spokesman Usec Ernesto Abella, walang dudang nagbigay ng dangal sa bansa ang mga manlalarong Pinoy sa pamamagitan ng pagsungkit ng mga medalya sa naturang International Sports Event.
As of August 29, aabot sa 24 na medalyang ginto na ang nakukuha ng mga Filipino athletes bukod pa sa 33 silver at 64 na bronze medal.
Ilan sa mga huling nakakuha ng gold medal ang 22 taong gulang at tubong Capiz na si Dines Dumaan na nanguna sa Pencak Silat competition.
Ilan pang manlalarong pinoy na nakasungkit ng Silver at Bronze Medal ay sa mga kompetisyong Taekwando, Squash event at Pencak Silat. (Alvin Baltazar) #radyopilipinas1